Bananakaka með döðlum

Bananakaka með döðlum og súkkulaði getur hreinlega ekki klikkað. Sætan í bönunum og döðlunum er svo mikil að það þarf enga auka sætu. Dúnmjúk og dásamleg. Þið verðið að prófa þessa!

Fyrir: Nokkra

Undirbúningur: 15 mínútur

2 egg

2-3 vel þroskaðir banananar

1 tsk vanilludropar

2 bollar möndlumjöl

1/2 tsk vínsteinslyftiduft

1 tsk matarsódi

1/4 tsk salt

1 bolli döðlur (leggja smá stund í bleyti áður)

100 g dökkt súkkulaði (sykurlaust ef vill)

Aðferð:

Stappið bananana og hrærið þá vel saman við eggin og bætið svo vanilludropum út í. Öllum þurrefnunum bætt út í og hrært varlega saman og döðlunum bætt svo við í lokin. Deigið sett í hátt og ílangt kökuform og súkkulaðið saxað í grófa bita og sett ofan á.

Bakið í u.þ.b 25 mínútur við 180° og njótið vel.