Ofnbakað kjúklinga taco

Þessi réttur sló heldur betur í gegn á mínu heimili. Hann er fljótlegur og rosalega góður. Við erum svo hrifin af mexíkóskum mat og finnst gaman að breyta til. Það kemur mjög vel út að baka þennan rétt í ofni en að sjálfsögðu má borða hann án þess að setja hann í ofn og einnig að setja hakk í staðinn fyrir kjúkling, það kemur líka vel út. 

Fyrir: 4-6

Undirbúningur: 15 mínútur

Innihald:

1 bakki kjúklingabringur

1 poki enchilada eða tacokrydd (ég notaði enchilada)

3 msk rjómaostur

Rifinn ostur

Grænmeti að vild til að steikja (laukur, sveppir, paprika)

Aðferð:

Steikið kjúklinginn í litlum bitum og kryddið með taco eða enchilada kryddi og bætið 3 msk af rjómaosti út á pönnuna þegar kjúklingurinn er tilbúinn. Ef þið viljið þá er mjög gott að steikja lauk, papriku og sveppi og bæta saman við kjúklinginn en þessu má sleppa. Hellið blöndunni í tacoskeljar og raðið þeim í eldfast mót, stráið rifnum osti yfir og bakið í ofni í 10-12 mínútur eða þar til osturinn er bráðnaður. Berið fram með fersku salati og lárperumauki.

LoadingFavorite