Lárperusalat

Þetta salat er frábært sem millimál en gott er að setja það t.d ofan á gott hrökkbrauð, súrdeigsbrauð eða gæða sér á því eitt og sér. Það tekur stutta stund að útbúa það og það geymist í lokuðu íláti í ísskápnum í 2-3 daga ef það klárast ekki strax sem það gerist venjulega hjá mér.

Fyrir: 1-2

Undirbúningur: 15 mínútur

Innihald:

1 lítil dós kotasæla

1 lárpera

2 harðsoðin egg

Salt og pipar

 

Aðferð:

Harðsjóðið eggin og kælið. Setjið kotasæluna í skál og skerið lárperuna í litla bita sem þið setjið út í. Brytjið eggin niður og bætið þeim einnig út í og hrærið saman við. Kryddið að vild með salti og pipar og njótið vel!

 

LoadingFavorite