Hafra-/chiagrautur

Þessi grautur er svo mikil snilld því það þarf ekki að elda hann heldur útbúa hann kvöldinu áður og geyma hann svo í ísskáp yfir nótt og þá er hann tilbúinn morguninn eftir. Ég tek þennan graut líka oft með mér sem nesti í vinnuna, klikkar ekki.

Fyrir: 1

Undirbúningur: 5 mínútur

 

Innihald:

1 dl tröllahafrar

2 msk chiafræ

1 1/2 dl möndlumjólk

2 góðar msk grísk jógúrt (t.d. með vanillu og kókos)

Smá skvetta Akasíu hunang

Ber og jafnvel smá kókos á toppinn

 

Aðferð:

Blandið öllu saman í glerkrukku og hrærið vel. Setjið smá Akasíu hunang ofan á og svo þau ber sem þið eigið til ofan á. Gott að setja smá kókosmjöl eða flögur yfir. Setjið krukkuna inn í ísskáp og látið standa yfir nótt. Einfaldara gerist það ekki!

LoadingFavorite